ᑐᓂᓯᖁᔨᔪᑦ ᐱᔪᒪᓂᖃᖅᑐᓂᒃ: ᐱᖅᖁᓯᕆᔭᐅᔪᒃᑯᑦ ᐱᓐᓂᑯᒥᒃ ᐱᓕᕆᐊᕐᒥᑦ ᐃᑲᔫᑦ ᓯᕿᓂᕐᒥᑦ ᐊᒻᒪᓗ ᐆᒻᒪᖅᖁᑎᒥᑦ ᑐᖅᖁᖅᓯᓯᒪᕝᕕᖕᒧᑦ ᐱᓕᕆᐊᕐᒧᑦ ᓇᐅᔮᓂᑦ, ᓄᓇᕗᑦ

ᑭᕙᓪᓕᕐᒥᑦ ᐊᓯᐊᒍᖔᖅ ᐆᒻᒪᖅᖁᑎᓕᕆᔨᒃᑯᑦ ᐃᓕᖕᓂᑦ ᑐᓂᓯᖁᔨᔪᑦ ᐊᔾᔨᐅᖏᑦᑐᒥᑦ ᐱᖅᖁᓯᒃᑯᑦ ᐱᓐᓂᑯᒋᔭᐅᔪᒥᒃ ᐊᒃᑐᐊᓂᖃᖅᑐᒥᒃ ᓄᑖᖑᔪᖅ ᐃᑲᔫᑦ ᓯᕿᓂᕐᒥᑦ ᐊᒻᒪᓗ ᐆᒻᒪᖅᖁᑎᒥᑦ ᑐᖅᖁᖅᓯᓯᒪᕝᕕᖕᒧᑦ ᐱᓕᕆᐊᕐᒧᑦ ᓇᐅᔮᓂᑦ, ᓄᓇᕗᒻᒥᑦ. ᐱᓕᕆᐊᒃᓴᖅ ᐱᕕᖃᖅᑎᑦᑎᔪᖅ ᐃᑲᔪᕐᓂᐊᖅᑐᒥᒃ ᓄᑖᒥᒃ ᐊᑐᖅᑕᐅᒃᑲᓐᓂᕈᖕᓇᖅᑐᖅ ᐆᒻᒪᖅᖁᑎᒥᒃ ᑐᙵᕕᒋᔭᐅᓂᐊᕐᓗᓂ ᑐᓂᔭᐅᔪᓄᑦ ᐊᒻᒪᓗ ᐊᓯᐅᔨᑦᑕᐃᓕᓂᐊᕐᓗᒋᑦ ᐃᓄᐃᑦ ᖃᐅᔨᒪᓂᕆᔭᖏᑦ, ᐱᑐᖃᕆᔭᖏᑦ, ᐊᒻᒪᓗ ᐱᒻᒪᕆᐅᒋᔭᖏᑦ.

ᕿᓂᖅᑐᒍᑦ ᐊᔾᔨᐅᖏᑦᑐᓂᒃ ᓴᓇᙳᐊᖅᓯᒪᔪᒃᑯᑦ ᖃᐅᔨᑎᑦᑎᓂᕐᓂᒃ ᑕᑯᒃᓴᐅᑎᑦᑎᔪᓂᒃ ᐱᔾᔪᑎᖃᖅᑐᓂᒃ ᐊᒻᒪᓗ ᐱᔭᐅᔪᒪᔪᓂᒃ ᓄᓇᓕᖕᒥᐅᓄᑦ ᓇᐅᔮᓂᑦ. ᓄᑕᖅᖃᓄᑦ ᐅᖃᓕᒫᒐᖅᑎᒎᒐᓗᐊᖅᐸᑦ, ᑭᑐᑐᐃᓐᓇᓄᑦ ᓴᓇᔭᐅᓯᒪᔪᒃᑯᑦ, ᐅᕝᕙᓘᓐᓃᑦ ᓇᖕᒥᓂᖅ ᐊᔾᔨᐅᖏᑦᑐᖅ ᐃᓱᒪᒋᔭᐅᔪᒥᑦ, ᐃᑲᔪᖅᑐᖅᑕᑉᑎᒋᑦ ᑐᓂᓯᖁᑉᓗᑎᑦ ᑐᒃᓯᕋᐅᓯᐅᖅᓯᒪᔪᒥᒃ ᑕᑯᒃᓴᐅᑎᑦᑎᔪᒥᒃ ᐱᔾᔪᑎᖃᖅᑐᓂᒃ ᐊᔪᙱᑦᑐᒃᑯᑦ ᐆᒻᒪᖅᖁᑎᖃᕐᓂᕐᒥᒃ, ᐊᕙᑎᒥᒃ, ᓄᓇᓕᒃ ᓴᙱᓂᖃᕐᓂᕆᔭᖓᓂᑦ, ᐊᒻᒪᓗ ᐃᓚᐅᑎᑕᐅᓂᖏᑦ ᐃᓄᐃᑦ ᐱᒻᒪᕆᐅᒋᔭᖏᑦ ᐅᑉᓗᒥᐅᔪᖅ ᐊᑐᖅᑕᐅᕙᓕᖅᑐᑦ ᑲᑉᐳᔾᔭᓅᖅᑐᓂᑦ.

ᐱᓕᕆᐊᕆᔭᐃᑦ ᐃᑲᔪᕐᓂᐊᖅᑐᖅ ᑭᕙᓪᓕᕐᒥᑦ ᓴᓗᒪᔪᒥᒃ ᐆᒻᒪᖅᖁᑎᓕᐅᕆᕙᓪᓕᐊᓂᕐᒧᑦ ᐃᓚᐅᑎᑦᑎᓗᓂ ᓴᙱᔫᔪᒥᒃ ᐱᖅᖁᓯᒃᑯᑦ ᐅᖃᖅᓯᒪᔪᒥᒃ, ᖁᕕᐊᓲᑎᖃᖅᑐᒥᒃ ᐃᓄᐃᑦ ᐱᑐᖃᖏᓐᓂᑦ ᐊᒻᒪᓗ ᐃᓕᓐᓂᐊᖅᑎᓐᓂᐊᕐᓗᒋᑦ ᑭᖑᕚᕆᔭᐅᓂᐊᖅᑐᑦ ᑕᑯᔭᐅᔪᒃᑯᑦ, ᐊᑯᓂᐅᓂᐊᖅᑐᒧᑦ.

ᖃᓄᖅ ᐆᒃᑐᕈᖕᓇᕐᓂᖅ: ᑕᑯᓗᒍ ᐃᓚᐅᖃᑕᐅᔪᖅ ᑐᓂᓯᖁᔨᔪᑦ ᐱᔪᒪᓂᖃᖅᑐᓂᒃ ᑐᑭᓯᐅᒪᔾᔪᑎᒃᑲᓐᓂᕐᓂᒃ ᐱᓂᐊᕐᓗᑎᑦ ᐱᓕᕆᐊᕐᒧᑦ ᐱᔪᓂᒃ, ᑐᓂᓯᓂᐊᕐᓗᓂ ᒪᓕᒃᑕᐅᔪᒃᓴᓄᑦ, ᐊᔪᙱᑎᑕᐅᔪᓄᑦ, ᐊᒻᒪᓗ ᕿᒥᕐᕈᓂᕐᒧᑦ ᐊᑐᖅᑕᐅᔪᓄᑦ.

ᑐᓂᓯᓂᐊᕐᓗᓂ ᑭᒡᓕᒋᔭᐅᔪᖅ:	5-ᒥᑦ ᐅᓐᓄᒃᓴᒃᑯᑦ ᑭᕙᓪᓕᐅᑉ ᖃᐅᔨᓴᐅᑎᖓ 5-ᒥᑦ ᐅᓐᓄᒃᓴᒃᑯᑦ ᑭᕙᓪᓕᐅᑉ ᖃᐅᔨᓴᐅᑎᖓ
ᑐᓂᓯᓂᐊᕐᓗᓂ ᐊᑐᖅᑕᐅᔪᖕᓇᖅᑐᑦ:	ᑎᑎᖅᖃᑎᒍᑦ ᖃᕆᑕᐅᔭᒃᑯᑦ
ᑐᒃᓯᕋᐅᓯᐅᖅᑕᓯ ᐊᐅᓪᓚᖅᑎᓪᓗᒋᑦ ᐅᕗᖓ:	ᕼᐄᓕ ᕈᐊᑉ (Hayley Robb) ᖃᕆᑕᐅᔭᒃᑯᑦ, hrobb@northernenergycapital.com
ᐊᑭᓕᖅᑕᐅᔾᔪᑎ:	ᓯᑕᒪᓄᑦ ᑎᑭᓪᓗᒋᑦ ᐆᒃᑐᖅᑐᑦ ᓂᕈᐊᖅᑕᐅᓂᐊᖅᑐᑦ. $1,000-ᓂᒃ ᐊᑭᓕᖅᑕᐅᓂᐊᖅᑐᑦ ᐊᑐᓂ ᓂᕈᐊᖅᑕᐅᔪᑦ ᐋᖅᕿᒋᐊᒃᑲᓐᓂᑦᑎᐊᕐᓂᐊᕐᓗᒋᑦ ᑐᒃᓯᕋᐅᓯᐅᖅᑕᖏᑦ ᑭᖑᓪᓕᖅᐹᒃᑯᑦ ᓂᕈᐊᖅᖠᕐᓂᐊᕐᓗᑎᒃ ᓂᕈᐊᖅᑕᐅᔪᒃᓴᓂᑦ.

ᐊᐱᖅᖁᑎᒃᓴᖃᕈᕕᑦ ᐅᕝᕙᓘᓐᓃᑦ ᐱᔪᒪᓂᕆᔭᐃᑦ ᑐᓂᔪᒪᒍᖕᓂ, ᖃᐅᔨᑎᓪᓗᒍ ᕼᐄᓕ ᕈᐊᑉ (Hayley Robb) ᐅᕗᖓ ᑎᑎᕋᕐᓗᑎᑦ hrobb@northernenergycapital.com ᐅᕝᕙᓘᓐᓃᑦ ᐅᖃᓗᕕᒋᓗᒍ ᐅᕗᖓ 403-404-7622.

Share the Post:

BECOME A MEMBER!

Learn how you can get involved with Nunavut's most influential business networks.

As our member, you’ll have opportunities to network with like-minded professionals. Whether you are an independent business owner or leading a large enterprise, you’ll benefit from access to a range of programs and resources to promote success including professional development and cost-saving affinity programs.